امتى تتاكد انك نسيت حبيبك

من طرف ابو جازية السبت يناير 05, 2008 4:49 pm

السلام عليكم ورحمة الله وبركاته

امتى تتاكد انك نسيت حبيبك ؟
كتير مننا حب وانجرح وعاش على الذكريات
بس ياترى يا جماعه اللى بيحب بجد بيقدر ينسى حبيبه؟
وطبعا الاجابه اه ممكن ننسى حبيبنا ونحب تانى وتالت ورابع
بس ف الاخر بنلاقى ان كل ده كان هروب ونلاقى نفسنا ف الاخر لسه بنحبه
لسه مشتاقين ليه
لسه بنحلم باليوم اللى نبقى فيه مع بعض تانى
حتى لو حبيبك ده ارتبط بحد تانى
بتلاقى نفسك من غير قصد بتحاول توهم نفسك انك عارف تعيش من غيره
بتلاقى كل حاجه بتفكرك بيه
مكان رحتوه مع بعض
اغنيه سمعتوها سوا
مليون الف حاجه بتلاقيها بترجعك تانى ليه من غير قصدك
وف الاخر بتلاقيه لسه عايش جواك

بس تعرف امتى تتأكد انك فعلا نسيته؟
ف الاول لما يعدى يوم من غير ماتفكر فيه
وماتمسكش الموبايل وتضرب رقمه وتقفل قبل مايرن
بعد كده تكتشف انك بقالك اسبوع مافكرتش فيه
وماتتصلش من اى موبايل ف الشارع تسمع صوته وتقفل
ياااااااااااااااااااااه ايه ده انا اخر مره حلمت بيه كانت من شهر
لما تسمع اغنيه حزينه وماتتأثرش بيها
لما تروح مكان كنتوا فيه مع بعض وماتفتكرش انه كان معاك فيه قبل كده
لما تشوفه صدفه ف الشارع وقلبك يفضل مكانه وماتبقاش حاسس ان قلبك هيوقف
لما ترتبط بشخص مافيهوش اى حاجه منه
{ده كان موضوع حلقه ف برنامج كده وعجبنى فحبيت انقله ليكم }

بس ياترى يا جماعه الكلام ده بيحصل ؟
ياترى فعلا بنقدر ننسى؟

انا شايفة ان اللى بيحب بجد عمره ما يقدر ينسى حتى لو عدت كام سنه
حتى لو ارتبط بحد تانى
كلامى ده مش من الهوا
ده من تجارب اكتر من شخص اعرفهم
سابوا حبيبهم واتجوزوا وبيحبوا جوزهم وعايشين حياتهم , بس لغاية دلوقتى ساعات كتير بيفكروا ف حبيبهم الاولانى لسه بيحلموا بيه من غير قصدهم واعتقد ان دى ماتعتبرش خيانه لجوزهم لانها حاجات بتحصل غصب عنهم .

عايزة اعرف رائيكم من خلال تجاربكم الشخصيه , او من تجارب غيركم اصحابكم

ابو جازيةمنقول